Газ саласы аса қауіпті өндіріс. Осыны ескерген "ҚазТрансГаз" ұлттық компаниясы өндірістегі қауіпсіздік пен еңбекті қорғау жұмыстарын цифрлық технологияларға ауыстыруда. Бұл туралы Шымкенттегі газ саласы мамандарының басқосуында айтылды. Мұнда мамандар қызметкерлерді оқыту, әкімшілік-өндірістік бақылау сапасын арттыру мәселелерін кеңінен талқылады.
"ҚазТрансГаз" ұлттық компаниясы заманауи жаңа технологиялар дамыған кезеңде сала мамандарының еңбек қауіпсіздігі баста назарда болуы керек деп есептейді. Компания өндірістік филиал бас инженерлерін, еңбек пен қоршаған ортаны қорғау бойынша жауапты мамандарды жинап, өзекті сұрақтарды талқылады. Заңнама талаптарына орай қызметкерлердің білім деңгейін бағалау жүргізілді. Нәтижесінде 30 минуттық тестілеуде 40 сұрақтың сәйкестілігі расталған.
БАХТИЯР ІЗБАСАРОВ, «Интергаз Орталық Азия» Бас директорының бірінші орынбасары:
– Бас қосудың басты мақсаты еңбек тәртібін, оның ішінде өндірістік қауіпсіздік деңгейін ұдайы көтеріп отыру. Өйткені біздің салада жұмысшы қателік жіберсе, оның келтірер залалы тым жоғары. Сондықтан ғимаратымызды заман талабына сай етіп, жұмысшылар үшін ақпаратты жаңартып отыру қажет.
Оқу-курстық комбинат базасында газ мамандары өздерінің біліктілігін артырып отырады. Газды тұтыну, жөнелту бойынша барлық құрылғымен қамтылған орында олар өнеркәсіптік қауіпсіздік пен еңбекті қорғау сұрақтарынан дәріс алады. Цифрлы әрі автоматты заманауи құрылғылар жұмысшылар үшін қолайлы дейді сарапшылар.
ЖҰМАБЕК ИМАНБЕКОВ, «Республикалық газ саласы ардагерлерінің кеңесі» ҚБ Алматы қалалық директоры:
– Көтеріліп отырған тақырып өте маңызды. Бұл бұрыннан қазірге дейін өзектілігін жоймаған. Өйткені қауіпсіздік мәселесінің артында біздің, қарапайым жұмысшылардың өмірі тұр.
Кеңеске қатысушыларға «Мобильді қосымша арқылы оқыту» жобасына сай Android және IOS платформаларындағы жаңа мобильді қосымша таныстырылды. Оның көмегімен жұмысшылар кез-келген уақытта, кез-келген жерде қажетті білім алады. Ноу-хауды "ҚазТрансГаз" ұлттық компаниясы бизнес-процестерді цифрландыру шеңберінде әзірледі.
.
.
.
.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар #Ақиқатын_Айтайық
