Қызылорданың іргесіндегі Талдыарал елді-мекені ауыз сусыз қалды. Тіршілік нәрі осы уақытқа дейін тұрғындарға ауылда орналасқан «Қазақ республикалық лепрозорий» мемлекеттік мекемесі есебінен беріліп келген. Енді су беру Денсаулық сақтау министрлігінің шешімен тоқтатылып отыр. Ал жергілікті билік бұл мәселені шешуге асығар емес.
АСҚАР ӘДІЛБЕКОВ, Ақжарма ауылдық округінің әкімі:
Талдыарал-бір кездері алапес ауруымен науқастанғандарды емдейтін Қазлепрозорий мемлекеттік мекемесінің қалашығы ретінде салынған. Бүгінге дейін ауыз су және кәріз су жүйесі осы мекеменің теңгерімінде болған. Кутпеген жерден емдеу орнындағылар су беруді тоқтатып тастағанда, тұрғындар наразылығы туған.
