GJIROKASTËR - Policia ka gjetur një arsenal armësh të braktisura pranë varrezave të qytetit të Gjirokastrës. Mësohet se armët janë gjetur nga efektivët e policisë nga kontrolli përreth Lazaratit.
Nga blutë e Gjirokastrës bëhet e ditur se mes armëve të sekuestruara ka predha, mortaja dhe bomba.
Policia ka nisur hetimet intensive pasi dyshohet se armët e gjetura në këtë zonë janë të njëjtat armë që janë përdorur ndaj policisë në aksionin në Lazarat kundër kultivimit të kanabisit.
Gjithashtu bëhet e ditur se policia po ushtron një kontroll më të imtësihëm në këtë zonë pasi dyshohet se një pjesë e armëve janë hedhur në lumin Drino.
Lazarat, një tjetër arsenal armësh zbulohet tek "Përroi tek teleferiku"
Vetëm disa minuta më vonë, forcat e policisë kanë arritur të zbulojnë një tjetër arsenal me armë tek vendi i njohur si "Përroi tek teleferiku", në Lazarat.
Sipas policisë, aty janë gjetur rreth 15 armë zjarri të llojeve të ndryshme dhe municione.
