Бүгін қазақ халқы алақанына салған аяулы ақын қызын ақтық сапарға шығарып салды. Қазақ пен Сақа елінің татулығына дәнекер Тұрсынай Оразбаевамен фәни дүниеде қоштасу үшін қаламгер қаламынан қуат алған өңір жұрты Шәмші Қалдаяқов атындағы облыстық филармония алдында жиналды. Билік тізгінін ұстағандар да, сөз қадірін бөз бағасынан артық көргендер де есте бар естеліктерімен бөлісті, ақынның аты, дананың хаты өлмейтінін айтты.
