Në tentativën e grabitjes në fshatin Prush të Tiranës morën pjesë 5 persona, njëri prej të cilëve në rolin e shoferit që do t’i largonte nga vendi i ngjarjes dhe 4 të tjerë hynë në banesën e shtetasit Gani Hima.
Ata ishin të armatosur dhe veshur me jelek policie dhe sipas burimeve, janë prezantuar si efektivë dhe më pas kanë nisur te kanosin familjarët. I pesti priste disa metra poshtë shtëpisë në një Audi të bardhë.
Me mbërritjen e policisë, autorët që ishin në banesë kanë hapur zjarr dhe efektivët i janë përgjigjur po ashtu.
3 nga autorët janë larguar në drejtim të zonës së pyllëzuar të fshatit Prush dhe njëri prej tyre ka arritur të shkojë drejt makinës që po e priste, ku edhe aty ka ndodhur një tjetër përplasje.
Patrulla e policisë ka tentuar t’i bllokojë rrugën grabitësve që largoheshin me makinë dhe një prej efektivëve provoi t’i hapte derën, por për shkak të shpejtësisë e pati të pamundur.
Për shkak të mënyrës së sjelljes, pajisjes me armë zjarri, hetuesit kanë dyshime se mund të kemi të bëjmë me të njëjtin grup që kreu grabitjen e argjendarisë në Kamzë.
Prej mbrëmjes së djeshme hetuesit kanë grumbulluar provat në vendin e ngjarjes dhe sekuestruar një sërë kamerash sigurie.
Tv Klan
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
