Општина Илинден во соработка со мисијата на ОБСЕ во Скопје, го промовираше новиот Стратешки план за Локален економски развој за периодот 2012-2016 година. Промоцијата на овој значаен стратешки документ за продолжување на севкупниот развој на Општината, се одржа во аулата на новоизграденото Модуларно училиште во н.Илинден.
На промоцијата присуствуваа градоначалници на Скопскиот плански регион, претставници на Стопанските комори во Македонија, ЗЕЛС, економски аташеа од амбасадите и странски мисии, директори на банки, економски професори, стопанственици, невладини организации и претставници на месните заедници.
Стратешкиот план содржи конкретни цели и акциони планови за одржлив економски и социјален развој во насока на создавање просперитетна иднина во локалната зедница и регионот.
-Локален економски развој (ЛЕР) е една од најзначајните општински функции и надлежности, особено при преминот кон децентрализација чија главна цел е да обезбеди развој на локалната економија и стопанство, промовирање на стопанската структура, инфраструктура, природни ресурси, современите- нематеријални фактори на растот и расположливата работна сила. Веруваме во успешна реализација на Стратешкиот План за ЛЕР на Општина Илинден 2012-2016 година, со кој ги поставивме мерилата за атрактивна и конкурентна Општина во регионот и пошироко, со создадени услови за одржлив економски и социјален развој, и дефиниравме модерна и иновативна Визијата за иднината на Општина Илинден, препознатлива, потврдена, економски силна, урбана општина со современи услови за живеење и стопанисување, каде образованието, знаењето и ИКТ се императив за растечкиот стандард на човечкиот капитал, изјави градоначалникот, Жика Стојановски за време на промовирањето на Стратешкиот план.
На присутните, меѓу другите им се обрати и Наталија Дрозд, амбасадор на мисијата на ОБСЕ во Република Македонија.
-Во почетокот на ноември 2011 година мисијата на ОБСЕ и Општина Илинден ја продолжија својата соработка и за новиот Стратешки план како резултат на позитивните искуства добиени од периодот 2006-2011 година, изјави Наталија Дрозд.
Линк: [ Ссылка ]
Стратешки План за Локален Економски Развој на Општина Илинден 2012-2016, македонски ПДФ: [ Ссылка ]
Strategic Plan for the Local Economic Development of the Ilinden Municipality 2012-2016, Republic of Macedonia, PDF: [ Ссылка ]
