Բնապահապանության նախարարությունը բազմիցս նշել է, որ Խոսրովի պետական արգելոցում սեպտեմբերի 18-ին բնապահպան-ատիվիստների կողմից պատահաբար հայտանաբերված Կարմիր գրքում գրանցված կենդանիների մարմինները դուրս են պետական արգելոցի տարածքի սահմաններից: Սակայն այսօր 21-րդ դարն է, ի դժբախտություն նախարարի, թե բարեբախտաբար Եղիա Ներսեսյանի մոտ եղել է GPS, ֆիկսվել է տարածքը, ինչպես նաև տեղադրվել է Google earth-ի քարտեզի վրա և հստակ որոշվել է բեզոարյան այծի, նապաստակի և արջի կոնկրետ գտնվելու վայրը: Հիշեցնենք, որ Google earth-ը հստակ գծված սահմաններով քարտեզէ: Եթե Բնապահպանության նախարարությունը այս տեսանյութից հետո նորից կշարունակի պնդել, թե որսագողությունը տեղի է ունեցել Խոսրովի արգելոցի պետական սահմաններից դուրս, ապա կնշանակի, որ Խոսրովի պետական արգելոցի սահմաները փոփոխվել են, և պետք է նաև հիմնավորի, թե որ որոշման համաձայն է տեղի ունեցել արգելոցի պետական սահմաների փոփոխություն և ինչու մինչ օրս google earth համաշխարհային կազմակերպությանը չեն դիմել այդ փոփոխությունը շտկելու համար:
Վերը նշված փաստերը հավաստող կադրերը` դիտեք տեսանյութում
Թեհմինե Ենոքյան
