Kaside: Seyit İmadeddin Nesimi
Nağmelenme Vasıtası: Nevid Müsmir
Ressam: Rahib Demirqaya
[ Ссылка ]

Şiirle ilgili KAYNAKLAR:
[ Ссылка ].pdfhttps://www.isa-sari.com/ders-notlari/ETE_1.pdf

Açıklama Ve inceleme:
yorumlarda

Kasidenin Tamamı:
Çün beni bezm-i ezelden eyledi ol yâr mest
Ol cihetten görünür bu çeşmime deyyâr mest

Mest-i dergâhım ne mestim bu şarâb-ı cüz’iden
Sanma ey hâce beni kim olmuşum bî-kâr mest

Şöyle mestim tâ kıyâmet dahı hüşyâr olmazam
Çün beni vahdet meyinden eyledi dil-dâr mest

Rind ü kallâşım makâmım gûşe-i mey-hânedir
Gelmişim kâlûbelâdan âşık u hammâr mest

Cûş kıldı akl-ı kül geldi vücûda kâ’inât
Kâf u nûn emrinden oldu bu cihân yek-bâr mest

İns mest ü cinnî mest ü cümle bu vahş u tuyûr
Hâk mest ü bâd mest ü âb mest nâr mest

Cümle bu meyden oluptur bu cihân yek-bâregi
Arş mest ü ferş mest künbed-i devvâr mest

Nüh felek bu çarh-ı eflâk mest olup gerdişdedir
Şems mest ü mâh mest ü kevkeb-i seyyâr mest

Aşk-ı sübhâni meyinden vâlih oldu şöyle bil
Arş u kürsî her dü âlem bu kamu kirdâr mest

Çün ezelden mest ü şeydâ geldi mestân-ı elest
Mest durur ol lâ-yezâlî bâdeden ebrâr mest

Yeddi yer gök yeddi deryâ yeddi Mushaf yeddi hat
Nutk-ı Haktan mest oluptur heft ü penç ü çâr mest

Şöyle bil tahte’s-serâdan ta Süreyyâ her ne var
Oldu ey hâce ser-â-ser ez-mey-i cebbâr mest

Âdem ü Havvâ melâ’ik hûr u gılmân u beşer
Kevser ü Tûbâ vü Rıdvân cennet ü dîdâr mest

Nûh u Dâvûd u Süleyman u Zekeriyyâ Şu’ayb
Mûsi mest ü Îsî mest ü Ahmed-i Muhtâr mest

Şah-ı merdân şîr-i Yezdân pîşvâ-yı ehl-i dîn
Kâşif-i sırr-ı velâyet Haydar-ı Kerrâr mest

Enbiyâ vü evliyâ vü esfıyâ vü etkıyâ
Oldular Hak meclisinde şöyle bî-hüşyâr mest

Kâdı mest ü müftî mest ü sûfi mest ü safâ mest
Cür’a-i câm-ı elestden mü’min ü küffâr mest

Hâce-i mey-hâne mest oldu vü hem pîr-i mugân
Ka’be vü büt-hâne mest ü hırka vü zünnâr mest

Küfr ü îmân mest oldu cümle ayn-i yek-diger
Âşık u ma’şûk mest ü yâr mest ağyâr mest

Münkirin inkârı çün gitti vü geldi devr-i câm
Sûfi mest oldu bu meyden eyledi ikrâr mest

Cür’a-i câm-i ilâhi âşıkı mest eyledi
Câm mest ü bâde mest ü sâkî vü ebrâr mest

Çün şarâb-ı cân-fezâ geldi bize hum-hâneden
Oldu anun katresinden bu ser ü destâr mest

Çeng ü def hem ûd u ney ser-mest olup efgân eder
Bu harabâtın içinde söylenen güftâr mest

Sadr u bedr-i enbiyâ vü bih-terîn-i kâ’inât
Hâce-i nûr-ı du âlem seyyid-i sâlâr mest

Mest olup gir şehr-i aşka gör Hakı anda ayân
Sûret-i hûbân-ı âlem çâr-sû bâzâr mest

Mîr mest ü hâce mest ü bende mest ez-câm-ı aşk
Râh mest ü hâne mest ü bu der ü dîyâr mest

Mest olup söyler ene’l-hak aşk ile âlemde bil
Ya’nî kim Mansûr âşık oluban ber-dâr mest

Devlet-i dîdâra vasl olduk ezel bulduk vîsal
Gaflet uykusundan olduk çünkü biz bîdâr mest

Gönlümüz nûr-ı tecellî cismimizdir kûh-ı Tûr
Cânımız dîdâra karşı oldu Mûsî-vâr mest

Devr-i Mehdîdir hidâyet eyledi sâhib-zamân
Vechini Fazl etti Yezdân gün kimi izhâr mest

Burka’ı yüzünden açtı zâtını kıldı ayân
Eyledi kevn ü mekânı nûr ile envâr mest

Cennet-i adnın gülistânında bülbüldür dilin
Nağme-i cân-sûzu her dem eylegil tekrâr mest

Cânımız vasl oldu Hakka gönlümüz oldu emîn
Beytimiz ma’mûr kıldı aşk ile mî’mâr mest

Ey Nesîmî sırr-ı Hakkın mahremi sensin bu gün
Söyledin kudret dilinden ma’nî-i esrâr mest

#nevidmusmir
#imadeddinnesimi
#nesimi
#azerbaycan_siiri
#tasavvuf
#hurufiye
#hurufilik
#mystic
#mistikmuzik
#dervish
#mest

свернуть