Апта басынан бері аймақтарда аудан әкімдерінің халық алдында есеп беруі жалғасуда. Бұл ауыл тұрғындарының саяси белсенділігі артатын кез.
Өткен жылғы уәдеден не орындалды, не орындалмады, алдағы жылы атқаратын жұмыстың жоспары талқыланады.
Тұрғындар тарапынан сынға ұшырап жатқан, жұмысы мақталған әкімдер де бар.
50 мыңдай тұрғыны бар Ескелді ауданында егін мен мал шаруашылығы жақсы дамыған. Жері соған ыңғайлы. Жергілікті билік осы саланы өркендетуге басымдық берді.
Диқандар жағдайын жасады. Былтыр 1500 гектар алқапқа қызылша егіп, мол өнім алды.
