#plagosje #spital #lushnje #fredikokoneshi
Kryetari i Bashkisë Divjakë Fredi Kokoneshi është plagosur me thikë.
Klan News raporton se ngjarja ka ndodhur pas një debati me Orgest Xhelilin, një ish-punonjës në Bashkinë Divjakë. Debati ka degraduar dhe më pas ky i fundit e ka goditur me thikë në shpatull Kryetarin e Bashkisë Divjakë, Kokoneshin.
Mësohet se si pasojë e konfliktit me thikë është plagosur në bark edhe shoferi i Fredi Kokoneshit, Gazment Bullari.
Ngjarja ka ndodhur ditën e sotme rreth orës 09:30 në afërsi të Bashkisë Divjakë.
Autori i dyshuar i ngjarjes, Orgest Xhelili është kapur dhe shoqëruar në Komisariat për veprime të mëtejshme proceduriale.
Kryetari i Bashkisë Divjakë, Kokoneshi dhe shoferi i tij Bullari janë dërguar menjëherë në Spitalin e Lushnjes. Sipas informacioneve paraprake, të dy të plagosurit janë futur me urgjencë në sallën e operacionit. Bluzat e bardha të Spitalit të Lushnjes kanë konfirmuar se të plagosurit janë jashtë rrezikut për jetën.
Në Spitalin e Lushnjes kanë mbërritur kreu i grupit parlamentar të PS-së Taulant Balla, kryetarja e Bashkisë Lushnje Eriselda Sefa dhe kreu i Bashkisë Fier Armando Subashi.
Në vendngjarje ndodhen drejtuesit më të lartë të DVP Fier. Grupi hetimor, nën drejtimin e Prokurorisë, po punon për sqarimin e plotë të rrethanave të ngjarjes.
Njoftimi i Policisë:
Rreth orës 09:30, në afërsi të bashkisë Divjakë, shtetasi O. Xh., 46 vjeç, dyshohet ka goditur me mjet prerës, shtetasin F. K., me detyrë Kryetar i bashkisë Divjakë dhe shoferin e tij, shtetasin G. B., 45 vjeç. Të dëmtuarit janë transportuar menjëherë dhe po marrin ndihmë mjekësore, në Spitalin Rajonal Lushnjë.
Falë veprimeve të shpejta operacionale të shërbimeve të Policisë, është kapur dhe shoqëruar në Komisariat, për veprime të mëtejshme procedurale, shtetasi O. Xh., si autor i dyshuar i plagosjes.
Në vendngjarje ndodhen drejtuesit më të lartë të DVP Fier.
Grupi hetimor, nën drejtimin e Prokurorisë, po punon për sqarimin e plotë të rrethanave të ngjarjes.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
