Қазақстан Президенті «Астана Бас жоспары» ғылыми-зерттеу жобалық институты» жауапкершілігі шектеулі серіктестігінде болды.
Мемлекет басшысына елорданың сәулет және қала құрылысы саласында атқарылып жатқан жұмыстардың негізгі нәтижелері туралы баяндалды.
Бұл туралы Ақорданың баспасөз қызметі хабарлады.
Сонымен қатар Елбасы бірқатар инфрақұрылым нысанының, соның ішінде әлеуметтік-мәдени мақсаттағы нысандардың құрылыс жоспарларымен танысты.
Нұрсұлтан Назарбаев Астананың инфрақұрылымын одан әрі дамыту және жетілдіру жөнінде шаралар қабылдау қажеттігін атап өтіп, бірқатар нақты тапсырма берді.
