#oranews #lulzimbasha
Pakti PS-PD për ndryshimin e Kodit Zgjedhor, për Lulzim Bashën është shitje e zgjedhjeve nga ish-partia që ai drejtonte deri më 11 qershor, kur Apeli i kaloi vulën dhe logon Sali Berishës.
Basha sulmoi drejtpërdrejt Berishën dhe Ramën duke thënë se pazari i tyre është instrument për të goditur Prokurorinë e Posaçme dhe për t’i dhënë kryeministrit fitoren në tavolinë të zgjedhjeve të ardhshme parlamentare.
“Këto pazare të hyshtura nga frika, kanë në thelb edhe dërmën ndaj demokracisë shqiptare, shitjen pa filluar të ndeshjes. Shitjen pa filluar, sa i takon këtyre dyve, të zgjedhjeve parlamentare 2025. Është e qartë për këdo që ka sadopak përvojë politike se me formulën e dakordësuar dje dhe që pritet të votohet sot nga pazarxhinjtë, pushteti i dorëzohet edhe për katër vitet e ardhshme Edi Ramës. Në këmbim të favoreve të përbashkëta. Në këmbim të investimit më të madh që kanë nisur dhe duan të bëjnë së bashku. Në këmbim të goditjes me çdo kusht dhe çdo mjet të shkaktarit të frikës që është pandëshkueshmëria, të instrumentit të pandëshkueshmërisë që është SPAK. Ndaj akti i fundit i këtij pazari do të luhet në sesionin e fundit të kësaj legjislature të turpshme dhe për tu harruar. Do të luhet me aktet që do të ndërmerren kundër SPAK-ut si garancia që lidh kryeministrin dhe ish-kryeministrin.”
Basha nuk la pa sulmuar edhe ligjvënësit e ulur në karriget e opozitës në sallë, të cilët dikur i drejtonte si kryetar i PD. Për të ata janë një skalion njerëzish të bindur ndaj Berishës, të cilët pranojnë marrëveshjen me PS pasi kanë iluzione për një vend në listën e zgjedhjeve të reja.
“Frika e Edi Ramës dhe Sali Berishës, kryeministrit dhe ish-kryeministrit i detyron të ndërtojnë skalione njerëzish të bindur që i thonë dorës këmbë, të bardhës të zezë, dhe të zezës të bardhë. Dhe këta njerëz janë të qartë prototipat që përmenda më sipër, të tjerët i kemi këtu në sallë. Në anën tjetër janë ata që fillimisht për interesat dhe tekat e një njeriu i ranë me shkelm interesave të demokratëve që përfaqësonin dhe një pjesë tjetër që ushqen iluzionin e mjerë se ditën mund të jenë me Saliun dhe natën me SPAK-un dhe prapëseprapë të jenë në listën e sigurt të Saliut.”
Për më shumë lexoni në: [ Ссылка ]
Follow Televizionin Ora News
Website: www.oranews.tv
Youtube [ Ссылка ]
Facebook: [ Ссылка ]
Instagram [ Ссылка ]
Twitter [ Ссылка ]
Ещё видео!