Şeir-Dəyərli Sətirlər
Bu gün mənim dogum günüm
Yenidən ömrümü varaqlayıram,
Ömür karvanında nələr yaşadım.
Əllinin yarısın tamamlayıram,
Elə bil,həyata yeni başladım.
Uşaglıq illərim nəşəli idi,
Uşaqlar yıgılıb oyun oynadıq.
Edilən söhbətlər məzəli idi,
O,gözəl günlərdən bir an doymadıq.
Yıxılanda dizimin sızıltısını,
Soyuq buz qoyanda agrısı getdi.
Böyüdüm,qəlbimin qızmar çagını,
Tufana çevirib soyuq qış etdi.
Ömür gödəkləşir mənasız keçir,
Günlərin çələngi pozulur hər gün.
Zaman axınında pərişan keçir,
Ətirli sabahda çiçəklər ömrüm.
Ən gözəl illərim məktəb illərim,
Yaddaşa ən dərin xatirə yazdı.
Əvəzi olunmaz müəllimlərim,
Nə yazsam sizinçün yenədə azdı.
''Ana'' yazdırmagı mənə öyrətdi,
Sizlərin haqqını ödəmək olmaz.
Ən böyük xəzinə o elm verdi,
Nə qədər xərcləsəm bir an qutarmaz.
Könlümün qışına gəldi bir bahar,
Orada məhəbbət gülləri bitdi.
Axıb ürəyimdən gözəl duygular,
Ən ülvi hissləri mənə gətirdi.
Şairmiz Bəxtiyar Vahabzadədən,
Dəyərli sözləri bilməlisən sən.
"Sevə bilirəmsə əgər ürəkdən,
Dünyanın ən gözəl adamıyam mən".
Həyat nagıl kimi ruhumdan keçib,
Cümlə-cümlə vərəqləyib oxuyuram.
Xeyirsiz insanı yanımdan seçib,
Ayrılıb onlardan uzaq dururam.
Düşünə həyatı aramla yazdım,
Yazaraq dünyanı kəşf edəcəyəm.
Nə qədər ömrüm var həvəslə yazım,
Bəlkə aranızdan tez gedəcəyəm.
Təbrık yazan hər kəsə təşəkkur edırəm,var olun dəyərli izləyicilər
Ещё видео!