Елімізде репродуктивті жастағы әйелдердің 25 пайызының кіші жамбасында қатерсіз ісік кездеседі. Бұл туралы Астана медициналық университетінің ұйытқы болуымен өткен халықаралық ғылыми-практикалық конференцияда айтылды. Мамандар бұл көрсеткішке алаңдаулы. Өйткені, диагностика мен ем шараларының көптігіне қарамастан, аурудың саны азаймай тұр. Сондықтан, жиынға алыс-жақын шетелден мамандар келіп, қазақстандық әріптестерімен және студенттермен тәжірибелерімен бөлісті. Ресейлік мамандар заманауи технологиялардың арқасында мұндай қатерсіз ісіктің алдын алуға немесе оны бастапқы кезінде анықтауға толық мүмкіндік бар деп отыр.
