Në episodin 14 do të ndiqni:
Telefonata për të shtëna me armë vë në alarm policinë, pamjet ekskluzive nga ndërhyrja.
Momentet e aksidentit në rrugën Ibrahim Rrugova, një nga makinat kaloi me të kuqe.
Godet fqinjin dhe kundërshton policinë, patrulla kërkon ndihmën e përforcimeve në Dajt.
Kapet 17-vjeçari në Tiranë, rezulton i shpallur në kërkim për vjedhje (VIDEO).

Gazetar: Antonio Çakshiri
Lexoi tekstin: Besard Jacaj

Katër ngjarje nga përditshmëria e policisë do ti trajtojmë në emisionin e sotëm 112. Nga telefonata për të shtëna me armë pranë qendrës dhe reagimin e policisë për ndalimin e personit të dyshuar, momentet e aksidentit pranë ish-Bllokut kur një makinë kalon me të kuqe, konfliktin mes fqinjëve në Dajt dhe ndalimin e një 17-vjeçari të shpallur në kërkim për vjedhje.
--------

TIRANË - Një seri ngjarjesh nga përditshmëria e punës së policisë i transmetojmë në episodin e 14-të të emisionit 112. Në ngjarjen e parë, pas mesditës një telefonatë në sallën operative vë në alarm Policinë e Shtetit. Telefonuesi raporton se ka një konflikt pranë qendrës së kryeqytetit ndërsa personi që po konfliktohet ka qëlluar më armë. Patrulla të shumta nga komisariati nr. 3 dhe efektivët të njësive Shigjeta dhe Shqiponja rrethojnë zonën ku raportohet se po ndodh sherri ndërsa ndalojnë personin e dyshuar.
Në emisionin 112 të realizuar nga gazetari i Report TV Antonio Çakshiri ju transmetojmë pamjet ekskluzive të momenteve të ndërhyrjes nga efektivët e policisë, ndërsa njoftimi për të shtëna me armë i bën edhe ata të mbushin dhe të nxjerrin armët e tyre. Personi i dyshuar ndalohet dhe shtëpia e tij kontrollohen ndërsa i gjendet pistoleta me të cilën "kishte qëlluar", por rezulton se nuk është një armë reale! Pistoleta në fjalë ishte një çakmak! Efektivët e policisë kryejnë shoqërimin e personit për dyshimet se kishte kanosur fqinjin, duke përdorur "pistoletën" çakmak.

Pak më vonë në një tjetër ngjarje publikojmë momentet e përplasjes së 3 makinave në Rrugën Ibrahim Rrugova. Nga pamjet filmike një nga mjetet kalon me semafor të kuqe duke shkaktuar aksidentin.

Në orët e mbrëmjes do të jemi me efektivët e komisariatit nr. 4 ndërsa ata reagojnë për një konflikt mes fqinjëve në zonën e Dajtit. Me të mbërritur në vendngjarje efektivët përballen me kundërshtim nga personi që ka dhunuar fqinjin i cili refuzon të shoqërohet në komisariat. Në këto kushte kërkohet ndihma e përforcimeve.

Pas mesnate në orët e para të mëngjesit efektivët e komisariatit nr. 1 ndalojnë një 17-vjeçar të dyshuar për thyerjen e xhamit të një biznesi pranë Pazarit të Ri ndërsa është tentuar të vidhet. Nga patrullimet e policisë pak momente pas ngjarjes pikaset djali i cili frikësohet sapo shesh policët ndërsa pasi ndalohet dhe shoqërohet në komisariat rezulton i shpallur në kërkim për vjedhje.

"112" realizuar nga gazetari Antonio Çakshiri

Shiko episodet e tjera: [ Ссылка ]

свернуть