Një ngjarje e rëndë është shënuar në ambientet e një shkolle në Cakran, ku një 17-vjeçar është plagosur me thikë pas një konflikti mes bashkëmoshatarëve. Drejtori i Qendrës Shëndetësore Cakran, Tonin Xhelaj, ka deklaruar për mediat se i mituri i dëmtuar është paraqitur për ndihmë mjekësore i shoqëruar nga shokët e tij.
Sipas tij, adoleshenti kishte marrë katër plagë si pasojë e goditjeve me mjet prerës. Pas marrjes së ndihmës së parë, ai është dërguar për trajtim të mëtejshëm në Spitalin Rajonal të Fierit, ku ndodhet jashtë rrezikut për jetën.
Burime nga Drejtoria e Policisë së Fierit kanë pohuar se ngjarja ka ndodhur pas një konflikti mes dy nxënësve, që kishte nisur një natë më parë për shkak të një postimi në rrjetin social Snapchat. Autori i dyshuar i ngjarjes ka pranuar se debati ka shpërthyer sapo ata kanë hyrë në oborrin e shkollës. Sipas tij, pas një debati, situata ka agravuar në dhunë fizike, duke çuar në përdorimin e thikës nga njëri prej të rinjve.
Ndërkohë policia ka nisur hetimet për të sqaruar rrethanat e plota të ngjarjes, ndërsa autori i dyshuar është shoqëruar për marrjen e dëshmisë dhe për procedurat ligjore përkatëse.
Prokurorja e çështjes ka pohuar për mediat se janë marrë dëshmitë e dy mësueseve që kanë qenë të pranishme gjatë momentit të konfliktit ndërkohë që është bërë kqyrja e vendit të ngjarjes.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Sherri#Gjimnaz
