Қарағанды облысында міндетті әлеуметтік медициналық сақтандыру жүйесінің пилоттық жобасы екі ай өтпей оң нәтиже көрсетті. Бұған дейін тегін зерттеулер мен дәрілер қолжетімді болса, енді пышақ астына түскен адамдар үшін оңалту шаралары да ақысыз. Бұдан өзге Қарағандыда 4 емхана ашылып, жыл соңына дейін тағы 7 медициналық мекеменің құрылысы басталмақ. Ең қуантарлығы медициналық сақтандыру жүйесінің арқасында тұрғындарға қымбат оталар, ем шаралары, дәрілер тегін беріліп жатыр.
