Hizbulloh lideri o'rinbosari Naim Qosim 8-oktabr kuni televideniye orqali murojaat bilan chiqib, guruh Isroil bilan sulh muzokaralariga doir harakatlarni qo'llab-quvvatlashini ma'lum qildi.
Isroil 8-oktabrdan Livan janubi bo'ylab quruqlikdan operatsiyalarning yangi bosqichini boshlaganini ma'lum qildi. Havo zarbalari chog'ida Isroil Hizbullohning Erondan qurol-yaroq keltirishga mas'ul qo'mondoni Suhayl Husayn o'ldirilganini e'lon qildi.
Hizbulloh esa Isroil shimolidagi Xayfa shahriga raketa zarbalarini berganini ma'lum qildi, Isroil snaryadlarning aksariyatini havoda urib tushirganini aytmoqda.
