Freedom For Kurdistan ❤ ✌ 💚
#Kurdistan​ #Abdulla_Pashew #عبدوڵڵا_پەشێو #Roj_Baş #Rozh_Bash #ڕۆژ_باش

زۆرجار مرۆڤ، بە کامیرای خەیاڵیش بێ، دەیەوێ وێنەیەکی دواڕۆژ بکێشێ، نەخاسمە دواڕۆژی وڵاتێکی بەر چەپۆکی جوگرافیایەکیز نەیار. ئەوەی بۆ من هیچ جێیەک بۆ گومان ناهێڵێتەوە ئەوەیە، بندەستیی گەلێکی گەورە، کە هەزاران ساڵە تایبەتمەندییەکانی خۆی پاراستووە، لەگەڵ سەردەمی شۆرشی زانیاری و ڕەوتی مێژووی هاوچەرخ ناگونجێ. هیچ هێزێک تاسەر ناتوانێ وڵاتێکی نیوملیۆن کێلۆمەتری لە گەلێکی گەورەی ڕەگداکوتاو بکاتە زیندان، هەر نەبێ چونکە داگیرکەر خۆشی ناتوانێ هەتاهەتایێ دەست لە ژیانی سەردەمییانەی خۆی هەڵگرێ و هەر زیندانەوان بێ. هێدی هێدی کۆڵۆنیالیزم جێ بۆ بەرژەوەندیی ئابووری چۆل دەکا.
سەردەمی لەشکرکێشی و داگیکردنی خاک، کە فۆرمێکی دواکەوتووانەی سەدەکانی ڕابردووە، بەسەر دەچێ.
دەزانم دەسەڵاتی ڕەشی بەرەبابەکانی باشوور، کە بەرماوەی بۆگەنی سفری سەدەکانی ناوەڕاستن و بەحاڵ دیوەخانی کۆرەگوندێکیان پێ بەڕێوە دەچێ، بەشێکی بەرچاوی گەلی کوردستانیان نائومێد کردووە، دەزانم کارێکی ئەوتۆیان کردووە باسی ئازادی و دادپەروەی و شکۆ ببێتە مایەی شەرم و تەریقبوونەوە، بەڵام ئەمە قۆناخێکی ڕزۆک و دژواری مێژووە و تێدەپەڕێ.
نابێ لەو جەنگە دەروونییەدا، جەنگی ئومێد و نائومیدی، کە داگیرکەران و جاشەکانیان بەرپایان کردووە بدۆڕێنین.
دوا شت، کە مرۆڤ بەجێ دەهێڵێ، هیوایە.
عبدوڵڵا پەشێو
#Mezhw #Kurdish_History​ #Kurd​ #Kurdish #مێژوو

свернуть