Ish-kryeplaku i fshatit Shegas në Lushnje u ekzekutua mbrëmë sapo do hapte portën e shtëpisë. Autori i kishte zënë pritë dhe e qëlloi, kur viktima Qemal Alla zbriti nga fuuristrada e tij për t’u futur në shtëpi.
Sipas informacioneve, Alla disa minuta më parë ishte qenë në lokalin e fshatit, pronë e vellait të tij.Të shtënat janë dëgjuar nga fëinjët, të cilët kanë dalë menjëherë për të parë çfarë kishte ndodhur.
Pyetje: “Çfarë dëgjuat”?
Banori 1: “Zhurmë. Baf”!
Pyetje: “Pastaj çfarë bëtë? Dolët? Patë?”
Banori 1: “Ku të shihje. Le që ishte natë”.
Banori 2: “S’e dimë kush e ka bërë. Krismë dëgjuam, por se çfarë ishte nuk e dimë”.
Pyetje: “Sa herë dëgjuat krisma”?
Banori 1: “Një herë. Një fishek ka gjuajtur. Vetëm një tek”.
Banori 1: “Ka ardh për shpi, aty ka hap portën për të hyrë brenda”.
Pyetje: “Po lokali ndodhet larg që këtu”?
Banori 1: “Jo. 100 metra-200 metra është”.
Forca të shumta policie nga komisariati i Lushnjes, Drejtoria Vendore e Policisë Fier dhe FNSH, shkuan në vendngjarje. Gjatë gjithë natës u ngritën pika të shumta kontrolli dhe njëkohësisht u bë krehja e zonës për kapjen e autorëve të krimit.
Viktima jetonte vetëm me bashkëshorten, kurse djali është emigrant në Greqi. Në fshat ai njihej si person i qetë, pa konflikte dhe pa precedentë kriminal./abcnews.al
Ещё видео!