Kukësi ka asete të mjaftueshme për të tërhequr turistët vendas dhe të huaj.
Megjithatë, turizmi nuk është ende i zhvilluar mire pasi mungon infrastruktura rrugore.
Kryetari i Bashkisë, Safet Gjici është shprehur se për shkak të mungesës së rrugëve, disa pika turistike nuk mund të aksesohen nga turistët, duke shtuar se Bashkia është munduar që të krijojë hapjen e disave prej tyre por sipas tij kjo nuk mjafton.
Por, mungesë fondesh dhe mjetesh ka edhe Drejtoria e Turizmit që sipas kryebashkiakut Gjici e ka të pamundur edhe zhvillimin e turizmit ujor.
“Gjëja më kryesore është të aksesohen pikat më të bukura. Presim shumë turistë të huaj dhe jemi munduar të hapim disa rrugë por kemi mungesa fondesh në Drejtorinë e Rrugëve. Ajo drejtori nuk ka as fonde dhe as mjete. Me hapjen e aeroportit presim edhe më shumë vizitorë”, ka thënë Gjici.
Këto problematika Gjici i bëri të ditura në takimin e Komitetit Rajonal të Zhvillimit të Turizmit, ku e pranishme ishte edhe Alma Mele, Drejtore e Drejtorisë së Politikave dhe Strategjive për Çështjet Vendore në Ministrinë e Brendshme e cila premtoi mbështetjen nga drejtoria që ajo drejton.
Per informacionet me te fundit klikoni:
Web: [ Ссылка ]
Facebook: [ Ссылка ]
Instagram: [ Ссылка ]
Subscribe kanalin tone ne: youtube:[ Ссылка ]
#abcnews #abcnewsalbania
