Бүгін таңсәріде Бішкек маңайында әуе апаты болып, 37 адам көз жұмды. Боинг 747 ұшағы Гонконг-Ыстамбұл рейсін орындауға кіріскен еді.

Пилот жол-жөнекей жанармай құю үшін Бішкекке тоқтамақ болған.

Алайда әуе кемесі Манас әуежайына жетпей, жергілікті ауылда қирады. Салдарынан 32 үй опырылған. Ұшақ «ЭйСиТи «түрік әуе компаниясына тиесілі болатын. Қара жамылған көрші ел 17-ші қаңтарды аза тұту күні деп жариялады. Ұшақ Дачи-Суу ауылында апатқа ұшырады. Елді мекен Манас әуежайына жақын орналасқан. Боинг-747 Галинаның үйінен бірнеше сантиметр жерге құлады.

Галина Целичева, жергілікті тұрғын

-Біз ұйқыдан енді тұрып жатқан едік. Теледидардан мультфильм басталған. Көзді ашып-жұмғанша, ұшақ құлады. Шамамен 20 үй қирап қалды. Біздің шатырмыз ұшып кетті.

свернуть