#BirBax #xalqtəbabəti #pulağacı
#sağlamlıq #bitkiler #crassula

Çoxlarının evində olan bu pul ağacı bitkisinin 10-dan çox xəstəliyi sağaltdığını bilirdizmi? Əminəm ki bunu ilk dəfə eşitdiniz. Təəccüblü görünsə də bu həqiqətdi. Görünüşü və mistik gücünə görə əksər evlərdə olan, PUL AĞACI adlanan bu bitki həm də şəfa mənbəyi imiş. Bu gün sizə bitkinin faydaları və istifadə qaydaları haqda danışacam.

Bəs bu bitkidən sizin evinizdə də varmı? Ondan heç dərman vasitəsi kimi istifadə etmisizmi? Zəhmət olmasa aşağıda yerləşən şərh bölümünə yazın. Mən də möcüzə bitkinin faydalarından danışım.

“Pul ağacı” və ya “Crassula” kimi tanınan bitki dovşankələmi cinsinə aiddir. Bu cinsin 350-yə qədər növü var, əksəriyyəti Cənubi Afrikada, həmçinin, Madaqaskarda yetişir. Evdə yetişdirilə bilən bəzək bitkisinin müalicəvi xüsusiyyətləri, demək olar ki, bütün dünyada tanınır. Hesab edilir ki, o, evə pul cəlb edir, həm də, çiçək açarsa, tezliklə sahibi zəngin olacaq. Və bilməlisiniz ki, pul ağacı nadir hallarda çiçək açır.

Mistik xüsusiyyətlərindən əlavə, bu bitki aloe qədər müalicəvidir. Pul ağacının tərkibində çoxlu sayda faydalı mikroelementlər və uçucu yağlar var. Bu isə imkan verir ki, o, bir sıra xəstəliklər zamanı istifadə edilsin. Pul ağacı antibakterial və antiviral dərman kimi:

-həşərat dişləməsindən yaranan yaraları sağaltmaq və dezinfeksiya etmək üçün istifadə olunur;

-şişkinliyin qarşısını alır;

-qaşınmanı yox edir;

-herpes, qabar və suluqların müalicəsi üçün istifadə olunur;

-varikoz damarları, artrit, artroz, hemoroid və podaqra ağrılarını azaldır;

-mədə və onikibarmaq bağırsağın xorası zamanı istifadə edilə bilər;

Bu gün xüsusi xəstəliklərlə mübarizə üçün pul ağacı istifadə edilən bir neçə resept haqqında məlumat verəcəyəm.

1. Boğaz ağrısı, öskürək və digər boğaz xəstəlikləri zamanı. Pul ağacının bir neçə yarpağını kəsib şirəsini sıxın. 1 stəkan su ilə qarışdırın. Gündə 3 dəfə bu qarışımla boğazınızı qarqara edin. Çalışın ki, udmayasınız. Burunun selikli qişasının polipozu varsa, qarışımla burunu imalə etmək köməyə çatır;

2. Yanıqlar və cızıqlar üçün. Pul ağacının bir neçə yarpağını götürün, yuyun və xırda-xırda doğrayaraq sıyıq halına salın. Sonra bu məlhəmi ağrıyan nahiyəyə çəkin, yaxud cunanı məlhəmə batıraraq bölgəni kompres edin. Kompres zamanı qalın parçadan istifadə etməyin. Cuna, üstündən də sellofan ən yaxşı kompres üsuludur;

3. Suluq və qabarlar zamanı. Yarpaqlar bütöv və ya sıyıq halında istifadə edilə bilər. Bütöv halda istifadədən öncə, yarpaqlar yuyulur və xarici dərisi ehmalca çıxarılır. Sonra yarpaqların şirəli ləti sarğıya çəkilir, zədələnmiş nahiyəyə qoyulur. Üstündən sellofanla sarılır;

4. Herpes və həşərat dişləmələri, xüsusən də, qan əmən həşarat dişləmələri zamanı. Pul ağacının yarpaqlarının şirəsini sıxın. Gündə 5-6 dəfə dərini bu şirə ilə yağlayın;

5. Babasil zamanı. Pul ağacı şirəsinə vazelin əlavə edin. Vazelin tam həll olanadək qarışdırın. Gündə 2-3 dəfə bu qarışımdan pambıq çubuğu ilə götürün və ağrılı nahiyəyə tampon qoyun;

6. Varikoz damarları üçün kompres. Tünd rəngli şüşə qab götürün və içinə doğranmış pul ağacı yarpaqları doldurun. Üstünə yarpaqları tam örtənədək spirt tökün. Qabı qaranlıq yerdə 3-4 həftə saxlayın. Müddətin sonunda bu qarışımı varikozlu hissələrə sürtün. Bu məlhəm sinir iltihabı səbəbiylə baş verən ağrıları da aradan qaldırmaq üçün uyğundur;

7. Böyrəklərin iltihablı xəstəlikləri zamanı. Bitkinin 5 yarpağının üzərinə 1 stəkan qaynar su töküb, 1 saat dəmlənməyini gözləyin. Gündə 3 dəfə-yeməkdən 15 dəqiqə əvvəl 1 yemək qaşığı qəbul edin;

8. Onikibarmaq bağırsağın xoraları və xəstəlikləri zamanı. Xalq təbabətində gündə 1 dəfə ağacın 1-2 yarpağını yemək məsləhət görülür;

İndi də keçək bitkinin mistik gücü haqdakı inanclara.

Pul ağacı Feng Shui pərəstişkarları tərəfindən sevilir. Onlar inanır ki, bitkinin yarpaqları evdəki mənfi enerjiləri udur. Fen-şuy nəzəriyyəsinə görə evinizdə crassula bitkisi bəsləyirsinizsə, bu bitki sizə xoşbəxtlik, bərəkət və bolluq gətirir. Əgər bitkinin torpağına bir də xırda pul qoysanız bitki sahibinə pul və bərəkət olaraq geri qayıdacaqdır. Bitki böyüyüb pöhrələndikcə siz də varlanacaqsınız.

Fen-şuy nəzəriyyəsinə görə Krasullanın yarpaqları pul, gövdəsi isə ailə büdcəsinin sinvoludur. Gövdə nə qədər qalın və yarpaqlar nə qədər çoxdursa, maddi cəhətdən heç vaxt sıxıntınız olmayacaq. Hətta arzuladığı pula çatmaq üçün onun gövdəsinə qırmızı lent bağlayanlar da var. Nə qədər qəribə olsa da, bu ağacı almaq olmaz, ancaq özünüz yetişdirə bilərsiniz. Bunu etmək üçün, pul ağacından qonşu və ya dostlarınızda varsa, cücərtisini ala, yaxud sadəcə bir yarpağını qopardaraq, suda saxlamaqla onu böyüdə bilərsiniz.

Maraqlıdır, bitki ilə bağlı olan inanclara müansibətiniz necədir? Zəhmət olmasa aşağıda yerləşən şərh bölümündə fikirlərinizi bizimlə bölüşün.

свернуть