Lajme Arkiva - TV Klan 2003
Presidenti i Republikës Alfred Moisiu, do të mbledh të martën paradite këshillin e sigurimit kombëtar, ku do të merret në analizë situata në vend, lufta ndaj krimit të organizuar, reforma institucionale dhe problemet e luftës kundër terrorizmit.
E angazhuar që në fillim në krah të koalicionit ndërkombëtar të udhëhequr nga Amerika për luftën në Irak, Shqipëria ka ndërmarrë kohët e fundit një varg veprimesh, për t’ju përgjigjur situatës. Edhe mbledhja e këshillit të sigurimit e thirrur nga presidenti, ku do të marrin pjesë Kryeministri Fatos Nano, Ministri i Jashtëm Ilir Meta, Ministri i Mbrojtjes, Ministri i Rendit, anëtarë të komisionit të Rendit dhe SHISH, si dhe kreu i Shërbimeve Sekrete, do të ketë në qendër të saj, përgatitjet që po bën vendi ynë, pas fillimit të sulmeve të koalicionit ndaj Irakut.
Përfshirja e Shqipërisë, në këtë konflikt ndërkombëtar, për herë të parë me një njësi ushtarake, e bënë edhe më të ndjeshëm këtë problem për vendin tonë. Javën e kaluar u përzgjodhën 70 trupa komando që nën flamurin e Shqipërisë, do të marrin pjesë, si paqeruajtës në Gjirin Persik.
Ndërkohë ndërhyrja ushtarake e Amerikës dhe aleatëve të saj në Irak është përcjell me shumë interes edhe nga media vendase. Që prej një jave në edicionet informative në televizione dhe titujt kryesorë të shtypit e kanë zënë zhvillimet në Irak./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
