TIRANË - Ministri i Punëve të Brendshme Saimir Tahiri ka folur për herë të parë për kërcënimet e marra në telefon.
“Nuk e ndjehem i kërcënuar, policia do të bëjë punën” , u shpreh ministri i Brendshëm në lidhje me mesazhin kërcënues që dyshohet se ka mbërritur në telefonin personal të tij nga Vladimir Gjuta, personi i shpallur në kërkim që akuzohet se ka organizuar shpërthimet me tritol ndaj babait të ministrit në janar të këtij viti.
Deklarata e ministrit Tahiri u bë ndërsa la ambientet e Gjykatës së Lartë pas seancës së pajtimit me kreun e grupit parlamentar të Partisë Demokratike Edi Paloka, i paditur për shpifje.
Paloka mungoi në seancë dhe u përfaqësua nga avokati i tij, ndërsa Tahiri tha se vetëm nësë deputeti demokrat Paloka do t’i kërkojë falje publike për akuzat se ka lidhje me krimin, e konkretisht me Emiljano Shullazin, i arrestuar disa herë për vepra të ndryshme penale.atëherë do tërhiqet nga padia. Por përfaqësuesi ligjor i Palokës tha në emër të tij se i qëndron akuzave dhe nuk tërhiqen.
Seanca e radhës në Gjykatën e Lartë do të mbahet më 15 Qershor
Dy javë më parë, ministri Tahiri tha se nëse Paloka nuk provon akuzat, të dënohet, sic vetë Tahiri është dënuar në gjyqet ndaj familjarëve të Berishës, kur PS ishte në opozitë.
Ещё видео!