✨مرثية الوالد عبيد بن ثامر الشعيلي الحربي رحمه الله✨


أبدا بذكر اللي له الملك العـظـيـم الأوحـدا
ربّن يحلّ المعسرات ويعلم الـسّر الخـفـي

أدعي كريم ٍيـقـبـل الـدّعوه ووجّـه لـه نـدا
يغفر لعبدٍ ساكنٍ فـي تـربـتـه مـتـلـحّفي

اللي له المسلم شَهَد واللي سجَد له يـعْبدا
قبره حوى جسمه ثمان وعشر ياربّ اتْعَفي

تنجيه ِ من نارك وفي جنّتكِ روحه تـسْعدَا
ياللي جعلت النّار بـردٍ مـع سـلام ٍ تنطفـي

الوالد اللي له صَلات ٍ ماضيَه بالـمـسْجدَا
ياكم يتيم ٍ قد كِفَل ماكنّه الا محتفـي

يامرسلٍ رسلك وحتّى الكافر اسلم واهتـدا
تفرج لعبدك ساعة الضّيقه وبامرك تلطفي

لاشكّ لَه دعوه ولـه بـرّي وقـافـي والـحـدا
يالله عسى الجنّه نصيبه في نعيمك مكتفي

الفكر يذكر مامضى والقلـب في دربه عدا
الوالد اللي سيرته في دنـيـتـي مـاتخـتـفـي

جادت بها افكاري وصوتي في تواصيفه شدا
لو كلّ شعري في صفاته ماتـوفّي أحرفـي

والخاتمة صلّوا على خـيـر الـبـريّه أحـمـدا
اعداد ماهلّت مزونٍ مـمـطـره مـاتـكـتـفـي


كلمات الشاعر / محمد بن عبيد الشعيلي
@mohammedob22 حساب الشاعر بتويتر

свернуть