БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Бүгінгі шығарылымда:
2025 жылы 1 айлық есептік көрсеткіш 3 932 теңге болады. Яғни, жаңа жылдан бастап әлеуметтік төлемдермен қатар, айыппұл мөлшері де ұлғаяды. Мәселен, көлік басқару кезінде телефон арқылы сөйлескен не белбеу тақпаған жүргізушіге 5 айлық есептік көрсеткіш көлемінде айыппұл салынады. Бұл сома келесі жылы шамамен 20 мың теңге тең. Ал, түнгі оннан кейін көше кезген балалардың ата-аналары 12 мың теңгеге жуық айыпақы төлеуге міндетті.
1 қаңтардан бастап елімізде айлық есептік көрсеткіш 240 теңгеге көтеріледі. Осылайша, 3 932 теңге деп белгіленіп отыр. Демек, енді әлеуметтік төлемдер мен айыппұл көлемі өседі. Мәселен, зейнетақының ең төменгі мөлшері 62 771 теңгені құрамақ. Бала күтімі үшін үлестірілетін ай сайынғы жәрдемақы 21 265 теңгеден 22 648 теңгеге артады. Ал, ең төменгі күнкөріс деңгейі 46 228 теңгеге ұлғаяды. Небәрі 2 821 теңге қосылып отыр. Бірақ ең төменгі жалақы көлемі өзгеріссіз қалмақ. Яғни, 85 мың теңге.
Енді айыппұлдарға тоқталсақ. Мысалы, кешкі сағат оннан кейін елдің мазасын алып, тыныштықты бұзғаны үшін салынатын айыпақы 20 мың теңгеге жуықтайды. Яғни + 1200 теңге. Сондай-ақ, қоғамдық орында түкірген, я белгіленбеген жерге қоқыс тастап құқық бұзған адам да осы 19 мың теңгені төлейді. Ал мұғалімді не дәрігерді балағаттаған кісі 39 000 теңге айыппұл төлейді.
Ал, сарапшылар, тым болмаса тұтынушылық себет пен төменгі жалақы көлемін тұрғындарға сезілетіндей етіп көтеру керек еді дейді. Пікірлерінше, халықаралық қаржы қорының есебінде, күніне 5 доллар жұмсайтын кісі кедей деп көрсетілген. Демек, дәл қазіргі қымбатшылық қысқан кезеңде тұтыну себеті кемі 75 мыңға жетуі шарт. Бұл тиыннан теңге құрап, күнелтіп жүрген көп елдің жағдайын аз да болса реттеуге ықпал етеді.
ЖАНГЕЛДІ ШЫМШЫҚОВ, экономист:
– Ол 75 мың – қайыршылық. Одан сәл-пәл шығам десеңіз, 85 мың деген ол төменгі жалақы емес, нағыз өмір сүрудің төменгі деңгейі деп экономист ретінде жаңағыдай есептеулермен сізге келтіруіме әбден болады. Төменгі жалақы 150 мыңнан төмен болмау керек. Міне, осындай біздің есептеулеріміз.
Экономист дәл қазір Үкіметтің ең төменгі жалақы мен күнкөріс деңгейін көтеретін қауқары жоқ деп отыр. Себебі тым қарапайым. Яғни, қаржылық мүмкіндігі жетпейді. Қарызы көп. Әрі АҚШ-тың жаңа президенті қызметіне кіріскен соң ахуал одан әрі ушығуы да ықтимал.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
