قالت:من إنت؟ وقلت:مجموعة إنسان
مِن كِلِّ ضِد وضِـد تِلقيـن فينـي
فيني نهار وليل وأفـراح وأحـزان
أضحك ودمعي حايرٍ وسط عينـي
فيني بداية وقـت ونهايـة أزمـان
أشتاق باكر وأعطي أمسي حنينـي
وأسقي قلوب النَّاس عشقٍ وظميان
وأهدي حيارى الدَّرب وأحتار ويني
وأحاوم طيور السِما حوم نشـوان
وأسيَّـل الوديـان دمـعٍ حزيـنِ
في عيني اليمنى من الـورد بستـان
وفي عيني اليسرى عجاج السنيـنِ
تهزمني النَّجلا وأنـا نـد فرسـان
وأخفـي طعونـي والمحبَّـه تبيـنِ
إمَّـا عرفتينـي فلانـي بـزعـلان
حتى أنـا ترانـي إحتـرت فينـي
كلمات : خالد الفيصل
الحان : الموسيقار محمد عبده
