Әр балаға – тең мүмкіндік. Мемлекет басшысы Қасым-Жомарт Тоқаевтың бастамасы аясында қала мен ауыл мектептерінің арасындағы алшақтық азаюда. Қаланың қақ ортасы болсын немесе жүздеген шақырым жерде орналасқан елді мекен болсын, ұлттық жоба бойынша салынған білім ошақтары бірдей. Сыртқы және ішкі дизайнынан бөлек, жарақталу деңгейі мен жиһазбен жабдықталуында еш айырмашылық жоқ. Оған Абай облысы Бесқарағай ауылының тұрғындары көз жеткізбек. Жаңа жылда елді мекен балалары 300 орындық жайлы мектепке аяқ басады. «Құрылыс» серіктестігі тұрғызған нысан қолданысқа тапсырылуға дайын.
