“Maratona e Tiranës” përmbylli me sukses Edicionin e 7-të pjesë e të cilës ishin më shumë se 4,000 pjesëmarrës nga Shqipëria dhe mbi 40 vende të ndryshme të botës. Kryetari i Bashkisë së Tiranës, Erion Veliaj u shpreh mirënjohës për të gjithë ata që i janë bashkuar këtë vit Maratonës së Tiranës.
“Një përshëndetje për ata që kanë ardhur nga Ukraina, Izraeli, Kosova dhe të gjithë miqtë që na kanë nderuar dhe zbukuruar qytetin. Këtë vit kemi numrin rekord të pjesëmarrësve, duke filluar nga kampionët tanë olimpikë, kampionen evropiane Luiza Gega, e cila garon në 21 km për të thyer rekordin e saj personal dhe kombëtar. Të gjithë janë të mirëpritur në Tiranë, sepse një qytet i madh ka vend për të gjithë.”
Veliaj theksoi se kryeqyteti mirëpret këtë maratonë të rëndësishme edhe falë transformimit që ka pësuar vitet e fundit.
“Përsa kohë që po shpërblehet puna atëherë edhe mesazhi duhet të jetë ‘të përveshim mëngët të punojmë tamam si maratona’. Kilometrat e parë janë të vështirë, por po kalove atë ngërçin e muskujve dhe të energjisë je i pandalshëm. Ne shqiptarët jemi të pandalshëm kur punojmë dhe transformojmë realitetet tona. Është vetëm çështje kohë pastaj që ta vënë re edhe të huajt.”
Kampionja shqiptare e 3 mijë metrave, Luiza Gega në “Maratonën e Tiranës” u shpall fituese e garës 21 km për kategorinë e femrave.
Gjithashtu u shpallën edhe fituesit e tjerë të kategorive 42 km, 21 km për meshkuj, 10 km, por edhe garuesit e “We Too” për personat me aftësi të veçanta për 2.3 km.
Kryebashkiaku Erion Veliaj në “Maratonës e Tiranës” u shpreh se Bashkia vitin e ardhshëm ka aplikuar për Kryeqytetin Mesdhetar të Kulturës.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
Ещё видео!