Në Kosovë, sot është hapur zyrtarisht rruga për fillimin e procesit të krijimit të institucioneve të reja të dala nga zgjedhjet e parakohshme parlamentare. Komisioni Qendror i Zgjedhjeve sot bëri certifikimin e rezultateve, sipas të cilave Partia Demokratike e Kosovës është fituese e zgjedhjeve dhe rrjedhimisht edhe drejton procesin e krijimit të qeverisë së re. Kryetari i kësaj partie, Hashim Thaçi, ka thene se vendi mund të bëhet me institucione të reja, para përvjetorit të tretë të shpalljes së pavarësisë.
