Елімізде баспанаға мұқтаж 540 мың отбасы жергілікті әкімдіктерде үй кезегінде тұр. Ал кезекке тұрмай, жылдар бойы жалдамалы пәтерлерде күнелтіп жүрген отбасылардың саны бұдан да көп. Осыған орай, Қасым-Жомарт Тоқаев тұрғын үй кезегінде тұрғандар үшін «7-20-25» бағдарламасына ұқсас «5-10-20» атты жаңа жоба жүзеге асатынын мәлімдеді. Оған қандай санаттағы адамдар қатыса алады? Бағдарламамен қай жерден және қандай үй алуға болады? Баспананың шекті құны белгіленген бе? Бұл сұрақтарға тілшіміз жауап іздеп көрген еді.
