هيه ياللي غرامك رحلتي للجنون
اشعل الشوق قلبي والغرام حطبي
اخذي الخافق اللي بالعهد ما يخون
الخيانه ماهي طبعي ولا مذهبي

خلي الرمش ظلك وارقدي بالجفون
وانزلي يم صدري وبالضلوع العبي
نضديهن فداك اللي علي يسألون
وارجعي بعثريهن زي ما ترغبي

بس تسلا حياتي خلهم يتعبون
دام هالملك ملكك قرري واشطبي
وانسجي لك قلم من أي ضلعٍ يكون
خلي المحبره دمي ومنها اسكبي

وسجلي ذكرياتك بين ذيك الطعون
أكتبي لي أحبه أي شي أكتبي
وكان نبضات قلبي يالغلا يزعجون
اسكني صدري الأيمن ولا تذهبي

ولا هدا الجو عندك يا كحيل العيون
غردي مع مشاعر شاعرك واطربي
الله اللي وهبك من الغلا وش يبون
شمس حبك عسى يا زين ما تغربي

كلمات أغنية شمس حبك محمد بن غرمان
كلمات : سلطان بن غدير ال علي
الحان : رامي بن غرمان
مكس وتوزيع : حازم الابيض

свернуть