Қазіргі таңда баршамыздың алдымызда оқушыларды білім ошақтарымен қамту, білім сапасын көтеру, бәсекелестік орта қалыптастыру міндеті тұр. Сондықтан жеке меншік мектептер біздің өңірге аса қажет. Елімізде жас ұрпаққа саналы тәрбие, сапалы білім берудің маңыздылығы мен талаптарын еш уақыта назардан тыс қалдырмаған. Атап айтсақ Республикалық білім беруді дамытудың және Президентіміздің Қазақстанның әлеуметтік жаңғыртылуы «Жалпыға Ортақ Еңбек Қоғамына 20 қадам» атты бағдарламаларында айқын көрсетілген. «Білім беру жүйесіне Қазақстан тұрғындары¬ның үштен бір бөлігі тартылған. Мұндағы ең маңыздысы біздің балаларымыздың нақ осы білім беру жүйесінде өсетіні, қалыптасатыны және есейетіні. Бұл әрбір отбасын толған¬тады»-деп айтылған. Осы мақсатта білім күні қарсаңында Шу қаласында "Жылғабек" атындағы бастауыш мектеп пайдалануға берілді. 100 орындық білім ошағының ашылуына аудан әкімінің орынбасары Бақыт Бетбаев пен аудандық мәслихат депутаты Мақсат Сұлтанғазиев, білім саласының ардагерлері мен қызметкерлері қатысты.
«Біржан-Нұрдәулет» ЖШС салған білім ұясының ашылу салтанатында аудан әкімінің орынбасары Бақыт Аязұлы алғашқы құттықтау сөз сөйлеп лентасын қиды.
100 оқушыға шақталған мектеп қос қабатты, ыңғайластырылған ғимарат. Оның үстіне білім орталығының ішкі құрылғылары заманауй құралдармен толықтырылған,соымен қатар акт залдары мен спорт залдары да ыңғайластырылған. Мемлекеттік тілде білім беретін мекемеде 10 мұғалім сабақ бермек. Бұрындары осы маңда тұратын шулықтар бастауышта оқитын балаларын қаланың басқа нүктесіне таситын. Әсіресе қыстың суығы, көктем мен күздің жаңбырында қатынау қиындық туғызатын. Ендігі ата-аналар жол қауіпсіздігіне алаңдамай,балаларын өздеріне жақын орналсқан бастауыш мектепке берулеріне болатындығын қуанышпен айтты.
Осындай бағыттарда Шу аудандық 48 білім беру мекемелерінің де табыстары айтарлықтай. Биылғы жаңа оқу жылына аудан бойынша 1 сыныпқа 1930 оқушы мектеп табалдырығын аттап отыр.

свернуть