Հուլիսի 19-ի ԼՂՀ նախագահի ընտրություններից հետո Արցախում կստեղծվի նոր ընդդիմադիր քաղաքական ուժ: Կարծում է Վիտալի Բալասանյանի շտաբի ներկայացուցիչ Հայկ Խանումյանը.
«Վիտալի Բալասանյանը կոչ էր ուղղել արցախցիներին, որտեղ նշել էր, որ բնակչության 1/3 ձայնը ստանալը բավականին լուրջ հիմք է քաղաքական ուժ ստեղծելու համար»:
Նա Երեւանում այսօր նաեւ հայտնեց, որ նոր քաղաքական ուժի ստեղծումից հետո, Լեռնային Ղարաբաղի Ազգային ժողովում կձեւավորվի ընդդիմադիր պատգամավորական խումբ:
Հայկ Խանումյանի խոսքերով՝ Արցախյան օրենսդրությամբ 2 պատգամավորով կարող են պատգամավորական խումբ ձևավորել:
2007թ. ԼՂՀ նախագահական ընտրությունների ժամանակ բոլոր կուսակցություները պաշտպանեցին Բակո Սահակյանի թեկնածությունը և մինչև այս տարի Արցախում ընդդիմություն գոյություն չունի;
Բակո Սահակյանի քաղաքականության ամբողջ արդյունքն այն է, որ 7 տարիներ շարունակ Արցախը համարվում է մասամբ ազատ երկրիր, սակայն Բակո Սահակյանի իշխանության տարիներին և հատկապես 2010թ. ոչ մրցակցային Ազգային ժողովի ընտրություներից հետո Արցախը հայտնվեց Ադրբեջանի կողքին, ոչ ազատ երկիր:
Պարոն Խանումյանն այսօր նաեւ հայտարարեց, թե Արցախում ընդդիմադիր թեկնածուին ձայն տալը մեծ ռիսկ է պահանջում: Նրա խոսքերով հուլիսի 19ին, այն ընտրատեղամասերում, որտեղ չի եղել Վիտալի Բալասնյանի վստահված անձը, այնտեղ թեկնածուն ձայն չի հավաքել:
«Մարտունիում հանդիպման ժամանակ ժողովուրդը բավականին ճնշված էր, Բալասանյանի հանդիպմանը 100 հոգի էլ չէր եկել: Բալասանյանին
Մարտունիում դիմավորեց միայն Մոնթե Մելքոնյանի արձանը»,- հիշեց Հայկ Խանումյանը:
Այսօրվա հանդիպամն ավարտին Վիտալի Բալասանյանի ներկայացուցիչը մեկ անգամ եւս հիշեցրեց, որ բոլոր գործընթացների հիմքում մենք երբեք չպետք է մոռանանք, որ Արցախյան հակամարտությունը չի ավարտվել: Խնդրի խաղաղ կարգավորման համար, նրա կարծիքով բոլոր հարաբերությունները, այդ թվում Արցախի և Հայաստանի միջեւ պետք է լինեն փաստաղթթային մակարդակի վրա:
«Որպեսզի այսօր Հայաստանի տարբեր պաշտոնյաներ իրար հերթ չտալով խոսեն տարածքային զիջումների մասին։ Հայաստանի նախագահը և արտգործնախարարը իրար հետ մրցակցում են տարածքներ զիջելու մասին հայտարարություններով»,-եզրափակեց նա։
