Մարդու իրավունքների պաշտպանը հրատապ ուսումնասիրել է Գորիս-Կապան ճանապարհի շուրջ ստեղծված իրավիճակը ու պարզել, որ հարակից գյուղերում առաջացել է սննդի, բժշկական օգնության հասանելիության լուրջ խնդիր, մարդիկ հայտնվել են հումանիտար ճգնաժամի իրական վտանգի առաջ: Գորիս համայնքի Որոտան, Շուռնուխ և Բարձրավան գյուղերում մեծ դժվարությամբ է կազմակերպվել հացի մատակարարումը: Բարձրավանում ուսուցիչները դպրոց չեն կարողացել գնալ, քանի որ ապրում են Գորիսում։
