Қызылордада жөндеу жұмыстары жүргізіліп жатқан полиция департаментіне қарасты емханада істейтін мейірбике жазатайым оқиғадан көз жұмды. 55 жастағы әйелдің басына құрылыс сатысының темірі құлап кеткен. Ал елордада кәмелет жасына толмаған қызды автобустың ішінде зорлаған жүргізуші 17 жылға сотталды. Елімізде тәулік ішінде болған жантүршігерлік жағдайлар жайлы Абай Нұржанұлы тарқатады.
Қызылордада 55 жастағы мейірбике өзі қызмет ететін емхананың алдында жан тәсілім етті. Құрылыс жұмыстары жүргізіліп жатқан ғимараттың сыртындағы сатының ауыр темірі әйелдің үстіне құлаған. Қансыраған қызметкер оқиға орынында тілге келмей көз жұмған. Полиция департаменті бұған байланысты тек қылмыстық істің қозғалғанын ғана мәлімдеді.
АБАЙ НҰРЖАНҰЛЫ, тілші:
– Қайғылы оқиға дәл мына мен тұрған жерде болған. Бұл емхананың кіреберісі. Ал баспалдақтарда әлі күнге қан іздері жатқанын көруге болады. Сондай-ақ құрылыс жүргізіліп жатқан ғимараттың сыртында ешқандай қауіпсіздік сақталмаған сияқты. Өйткені мына үлкен сатының астын тек кірпіштермен бекіте салған.
Ал Астана қаласында автобус жүргізушісі кәмелетке толмаған қызды зорлап, істі болды. Ол жасөспірімді автобус паркіне әкеліп, қоғамдық көліктің ішінде арам ойын жүзеге асырған. Дәрігерлік тексеру барысында жүргізушінің ақыл-есі дұрыс екені анықталған. Сот оны кінәлі деп тауып, 17 жылға бас бостандығынан айырды. Сотталушы жазасын қауіпсіздігі барынша қатаңдатылған мекемеде өтейді.
Алматыда екі азамат 20-дан аса автокөлікті тонады деген күдікке ілінді. 28 жастағы жігіттердің қылмысы қала тұрғынының арызынан кейін әшкереленген. Жәбірленуші көлігінің әйнегін сындырып, ішіндегі мүліктерді ұрлап кеткенін мәлімдеген. Келген шығынның көлемі 1,5 миллион теңге екен. Сондай-ақ, оларды тінту кезінде ұрланған қару шыққан.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
