"Харанга" хамтлаг
"Энэ бол дурлал биш"
Бодлын олон нугачаан дунд бүдэрч яваа миний
Хүсэл мөрөөдөл хоёрын заагаар хөндлөн алхсан чамайг
Санах бүрийд зүрх булиглаж
Санаа алддаг учирдаг хэдий ч
Дурлаагүй шүү чамдаа би
Даруухан төрх чинь таалагдсан
Уяраагүй шүү зүрх минь
Ухаалаг харц чинь таалагдсан.
Хангал согоо биеэнд чинь хүсэл, мөрөөдлөө алдаагүй
Гэрэлт цагаан чиний царайнд хайр сэтгэл минь алдраагүй.
Уучлаарай би хүн болохоор
Хоёр биш ганцхан зүрхтэй
Уучлаарай би хүн болохоор
Хүний сайхныг бишрэн дээдэлдэг.
Онгон зүрхэндээ дээдэлж явдаг ханьтай үртэй миний бие
Орчлонг таних насны босгоор орчиж одсон чамайг
Харах бүрийд сэтгэл догдлоож
Хамаг бүхнийг мартдаг учиртай ч
Дурлаагүй шүү чамдаа би
Даруухан төрх чинь таалагдсан
Уяраагүй шүү зүрх минь
Ухаалаг харц чинь таалагдсан.
Хайрлаагүй ч би хараад баймаар
Хангал согоо шиг чамайгаа
Хүсээгүй мөртлөө бодоод байсан ч
Хайрын үгийг чамд хэлэхгүй.
Хоёр биш ганцхан зүрхтэй
Харахын төдий эрхтэй болохоор
Хүний сайхныг бишрэн шүтэх
Хүслийн онгодоо чамдаа дуулъя аа.
Дурлаагүй шүү чамдаа би
Даруухан төрх чинь таалагдсан
Уяраагүй шүү зүрх минь
Ухаалаг харц чинь таалагдсан.
Дурлаагүй шүү чамдаа би
Уяраагүй шүү зүрх минь
Таалагдсан...
