Бекқұл баба ауылыныдағы Жаман Қарғалы өзені жағасында ойнап жүрген 2 бала суға батып кетті. Оқиға 12 мамыр күні болды. Белгілі болғандай, екі бала түстен кейін ойнауға шығып, содан үйлеріне қайта оралмаған. 5 және 6 жастағы бүлдіршіндердің денесін ауыл тұрғындары мен сүңгуірлер су түбінен алып шықты. Екеуі екі бөлек үйдің балалары болатын. Қала іргесіндегі Бекқұл баба ауылында айдың-күннің аманында екі отбасы бүлдіршіндерінен айырылып, қайғыға батты. 5 және 6 жастағы көрші балалар түскі мезгілде ойнауға шығып, содан үйлеріне оралмаған. Олардың денесі ауыл маңынан өтіп жатқан Жаман Қарғалы түбінен табылды. Белгілі болғандай, құтқарушылар келем дегенше 5 жасар бүлдіршіннің денесін жергілікті тұрғындар жағаға өздері алып шыққан. Ал алты жастағы баланың мәйітін сүңгуірлер су астынан түнгі сағат ондарға таман тапты. Марқұмның денесі 7 метр тереңдіктен шығарылған. Күн жылына ойын баласын үйде ұстау мүмкін емес. Ал түзде оларды көзден таса қылуға болмайды. Қате аяқ астынан. Ел аман, жұрт тыныш уақыттың өзінде қауіп-қатер жан-жақтан анталап тұр. Ата-аналардың қырағылық танытқаны абзал. Суға түсу маусымы басталмай жатып, өңірде 5 адамның ажалы судан келді. Олардың үшеуі ересек, 2-еуі бүлдіршін. Суда құтқарушылар әзір өзен-көлдердің жылынбағанын айтады. Ал салқын суда адамның сіңірі тартылып, денесі құрысады. Су 25 градустан жоғары жылығанда ғана шомылуға болады.

Сайт телеканала [ Ссылка ]
Twitter [ Ссылка ]
Вконтакте [ Ссылка ]

свернуть