Мемлекеттік қызметкерлерді аулау науқаны басталды. Жемқорлық немесе әдепті сақтамағандарға емес, үкіметтің негізгі жұмысын істейтіндерге қарсы. Мемлекеттік қызмет істері және сыбайлас жемқорлыққа қарсы іс-қимыл агенттігінің өкілдері министрліктерді аралап, кешкі уақытта артық еңбек еткендерді анықтауға кірісті. Астанадағы әріптесім де осы топпен бірге министрлер мен көмекшілерінің қаншаға шейін жұмыс істейтінін көріп келген еді.
