Balığı hər kəs sevir, amma sümüklərinə(tıxlarına) görə qonaqlıq süfrələrində az istifadə edir.Sümüyündən təmizlənmiş ləzzətli balığı kim yeməzki? Qonaqlar və evdəkilər sizin əllərinizdən öpəcək. Əziyyətli iş də deyil,sadəcə bir az səbr tələb edir.
Balığı səliqə ilə sümüyündən ayırırsınız. Əti dəridən ayıranda ehtiyatlı olun ki,cırılmasın. Bütün əti sümüklərdən təmizləyin,blenderdə üyüdün. Duz,istiot əlavə edib qarışdırın və yenidən balığın içinə yerləşdirin. Üzərinə ləvəngi qoyduqdan sonra balığı tikin. Üzərinə də duz,istiot və turşu qarışımından vurub 1 gecə soyuducuda saxlayın. Səhəri gün üzərinə ketçup və mayonez qarışımından vurub( rəngi daha gözəl olacaq) sobada 160-170 dərəcədə 35-40 dəqiqə bişirin.
LƏVƏNGİ.
Qırmızı soğanı ətçəkən maşından keçiririk,tənzif(marli,cuna) vasitəsi ilə açı suyunu tam sıxırıq. Qozu da blenderdə üyüdürük. Alınan sıxılmış soğandan bir az artıq qoz götürürük. Məsələn: əgər bir kasa suyu sıxılmış soğan alınıbsa,bir kasadan bir az çox(2-3x.q.) üyüdülmüş qoz götürürük. Həmin 1 kasa soğana qozu əlavə edirik,1x.q. turşu ,1,5 ç.q. duz,1 ç.q. şəkər, 0,5 ç.q. istiot və yarım ç.q. yumşaq kərə yağı əlavə edib yaxşıca qarışdırırıq. Ləvəngimiz hazır. Çox hazırlayırsınızsa,porsiyalara bölüb selofanlarda buzluğa da yerləşdirə bilərsiniz.
#cənub #talış #talişmətbəxi #talışmətbəxi #kükü #qozküküsü #ləvəngi #ləvəngiküküsü #ləvəngiresepti #gözəl #lerik #masallı #astara #lənkəran #qırmızısoğan #videolutarifler #красныйлук #кюкю #азербайджанскаякухня #талышскаякухня #левенги #плов #рис #лерик #ленкорань #астара #масаллы #видеорецепты #видеорецептызаремы
Nuş olsun.
