#saliberisha #bulevardi
Nuk ka asnjë tërheqje nga qëndrimi i demokratëve për protestën e 6 Dhjetorit. Policisë, e cila prerazi i ka ndaluar opozitës tubimin për shkak të masave të sigurisë për samitin e BE-së që, kreu i demokratëve iu kundërpërgjigj duke thënë se do jetë në shesh me qytetarët për të protestuar në Bulevardin “Dëshmorët e kombit” në orën 12:00.
“Nuk ka rrugë që mund të bllokohet përveç zonës ku mblidhen, që ne nuk kemi asnjë ndërmendje. Por vendimi është për të protestuar në qytet. Policia nëse është porositur të përballet me opozitën, bën zgjidhjen më të gabuar. Opozita nuk ka betejë që nuk fiton”.
Garantoi mbarëvajtjen e protestës, duke paralajmëruar Kryeministrin Rama që të mos provokojë qytetarët e thirrur në tubim.
“Ne jemi më të interesuar se Edi Rama për sigurinë e liderëve europianë dhe mirëmbajtjen e samitit. Mjerë Rama dhe Çuçi. I them Edi Ramës se demokratët protestojnë në qytet, në shesh, por e dinë mirë se burimi i të zezave është në Surrel”
Me kryeministrin Rama bashkohet vetëm në një pikë kur flet për rëndësinë historike që ka samiti i liderëve europianë që do mbahet në 6 Dhjetor në Tiranë, por prerazi ndahet kur flet për lidhjet që sipas Berishës, kreu i qeverisë ka me bandat e krimit e drogës, kauza për të cilat opozita ka thirrur edhe protestën.
“Ky samit është i bekuar sepse i jep mundësi popullit opozitar që t’u dëshmojë mikpritësve se çfarë fatkeqësie të madhe përfaqëson mikpritësi Edi Rama, që ulet në një tryezë me ta mbi një karrige që qëndron mbi krimin, drogën dhe votën e vjedhur. Nuk do kishte rast më brilant për t’i bërë autonominë e plotë, autopsinë, këtij regjimi para 1 mijë gazetarëve të botës dhe udhëheqjes kryesore të Europës”.
Berisha thotë se protesta e opozitës është një moment jashtëzakonisht i rëndësishëm për të protestuar, pasi do të dëshmojë përpara liderëve europianë krahas mikpritjes së popullit opozitar, njëherazi edhe vasalitetin e Kryeministrit Rama ndaj Serbisë dhe Rusisë.
Tv Klan
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
