Бүгін коронавируспен күрескен дәрігерлер, марқұм Қозбағаров Қалихан Есбосынұлы мен Исаев Олег Николаевичке «Қазақстанның Еңбек Ері» атағы берілді. Ал елімізде індет басталғалы мыңдаған дәрігер індет жұқтырған. Олардың нақты қаншасы ковидпен сырқаттанып жүргені әлі белгісіз. Мемлекет уәде еткен үстемақыны толық алмаса да, тіпті кейбіріне арнайы киім жетіспесе де күрестің алғы шебінде жүргендер - ақ халаттылар. Көзге көрінбейтін, қолға ұсталмайтын індетпен арпалысып жатқан дәрігерлер бүгінгі күннің нағыз батырлары.
