كلمات الشاعر ::
صنهات بن حشر
اداء المنشد ::
خالد ال بريك
تصميم ::
لطام الدوسري
…
طلب التصميم اتواصل وتساب مباشر👇🏻:
[ Ссылка ]
-
سنابي حياكم الله .
[ Ссылка ]
. . . . .
الكلمات ::
من يحرر التفكير من حرب الاستنزاف
لي ايام وجهود التفاكير مبذوله
تمر الدقايق والثواني ثلاث اضعاف
احس ان ساعات اخر الليل مدبوله
تقارب نجوم الليل من قمة المشراف
ويضفي سكون الليل والارض مدهوله
بهالحاله اسري مع خيالي بلا كشاف
على ضو قمرآ تكشف الليل وسدوله
يسريني التفكير من عالم الاجحاف
الى عالمً فيه المقادير مجهوله "
وصلنا النجوم ولاطلعنا على الاكتاف
ولامرت الدنيا على الناس بسهوله
لك الشكر والتقدير ياقلبي الميلاف
مايشعاك غير اللي محد يقدر يطوله
ماحب المهونه والتودد والاستعطاف
احب اتحدا الصعب لين اكسب الجوله
اجاري زماني واتجرا على اصعب قاف
واحل العقد لو كان ماهيب محلوله
لاضاع الامل في حال مشلولة الاطراف
بقدرة قدير تصير ماهيب مشلوله
مع اني بخير ولو حصل فالامور خلاف
نبي نطرق ابوابٍ لها سنين مقفوله
وش الرجل لولا السلم والدين والاعراف
ماينفعه يوم العرض شكله ولا زووووله
من الحق والتقدير والعدل والانصاف
يمجد بشعر المدح من طابت فعوله
عسى اللي بروقة كنها سفتي الاسعاف
على الجمش يركي حملة ويرخي ثعوله "
مداهيل وضح للمموده يجيها شعاف
ديار على العز وعلى الطيب منزوله
على مجلس اللي فزعته تمن الخواف
يهل المطر لين الوطا تدرج سيوله
مايبنا على جرفً مهايل ولا مهياف
على العز واشناب الرياجيل مفتوله
ياشباب بن عايض فعول الكرام تشاف
وكفك لكسب ونعم ماهيب مغلوله
هلا مرحبا والدلبحي مجلسة مضياف
وكفه على كسب النواميس مجبوله
هلا مرحبا ترحيبً من اجود الاصناف
تراحيب روقيً يرحب على اصوله
تراحيب شباب بن عايض ماهيب خفاف
على الجمش ياخذ صيتها صوله وجوله
مذاخير ابن دباس مايرجعون خلاف
ولاهيب عن سلم الرياجيل مشغوله
احب الكريم اللي مثل عملة الصراف
واحب امدح المطنوخ واخدم مرسوله
كريم النبا اللي لامضاهي ولامزهاف
هو اللي على يمناه يدفق من التوله
جنابه لربعه كنه المخمل الشفاف
وللمعتدي مثل المراهيف مصقوله
هذا دلبحيً دون ربعه ذرا ولحاف
يقدم له الفنجال لادرجو دوله
هذا الروقي المطنوخ في حزة الميقاف
لاحان اللزوم يبين فعله قبل قوله "
من ادهى دواهي نجد والقاده العراف
لهم في ميادين الفخر صوله وجوله
طحاطيح روق اللي لو ان الجموع الاف
حداهم يفض الجمع ويبين مفعوله
زمانن مضا يوم الليالي غبر وعجاف
تضد العدا في نجد وتناصر الدوله
. . . . .
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : لطام الدوسري
______________________
للتواصل والاستفسارات :
الحسابات الرسمية لـ قناة لطام الدوسري .
SNAPCHAT : g-rii2
Whatsapp : 0533088591
—
#خالد_ال_بريك #صنهات_بن_حشر
Ещё видео!