Бұл туралы бүгін жарияланған Елбасы Нұрсұлтан Назарбаевтың «Ұлт жоспары – қазақстандық арманға бастайтын жол» атты мақаласында айтылған.
Жаңа құрылымға «Халыққа қызмет көрсету орталығы», «Жылжымайтын мүлік орталығы», «Жер кадастры ғылыми-өндірістік орталығы» мен «Зейнетақылар төлеу жөніндегі мемлекеттік орталықтары» біріктіріледі.
Нәтижесінде азаматтар мемлекеттік қызмет көрсетудің ортақ жүйесіне ғана өтініш береді.
Бұл әкімшілік кедергілерді жойып, сұрау салынатын құжаттар тізімін қысқартуға мүмкіндік береді.
Мемлекеттік органдар бұл корпорацияға барлық қызмет түрлерін 2017 жылдың соңына дейін өткізулері тиіс.
Айта кету керек, жаңа құрылымның жұмысын үкіметтік емес ұйымдар жанынан құрылатын арнайы қоғамдық кеңес бақылайтын болады.
