Мүгедектің жеке көмекшісі кім? Ол күтуші ме, үйдегі көмекші ме, әлде мүмкіндігі шектеулі жанды көшеде, көлікте, қоғамдық орындарда демеп жүретін адам ба? Мүгедекті жеке оңалту бағдарламасында соңғы нұсқа көрсетілген. Бірақ, қазір жеке көмекшіге күтушінің де, үйдегі көмекшінің де міндеттері жүктеліп қойған. Бұл жайт тараптар арасында түсінбеушілік тудырып отыр. Қалалық сал ауруына шалдыққан азаматтарды қолдау қорының атқарушы директоры Гүлмирам Сражеваның айтуынша, жеке көмекшінің негізгі міндеті - мүгедекті мысалы, үйінен оқу орнына немесе емдеу мекемесіне дейін жетектеп апару және қайтадан үйіне жеткізіп салу. Дәрісін беру, киімін жуу секілді қызметтер жеке көмекшінің міндетіне жатпайды. Әлеуметтік көмектің бұл түрін біздің облыста екі компания көрсетеді. Бірі - "Социал сервис" ЖШС. Мүгедектер осы мекемеге келіп, дәрігердің көмекші тағайындалсын деген жолдамасын береді. Сөйтіп, оған жеке көмекші бөлінеді. Жеке көмекшіге сағатына 250 теңге төленеді. "Социал сервис" мекемесінде 145 жеке көмекші бар. Бұл осы жылғы жоспардан 50 адамға артық. Мемлекет бөлген қаражат мүгедектерді көмекшімен қамтуға жетіңкіремей жатыр, дейді мекеменің бас есепшісі. Қоғамдық тыңдау кезінде әр тараптың пікірі тыңдалды. Нәтижесінде егер жеке көмекшінің функциясы кеңейтілмесе, күтушінің қызметін атқаратын адамдардың еңбегін өтейтін басқа бағдарлама құру туралы ұсыныс жасалды. Әрі жеке көмекшіні тағайындайтын дәрігерлердің жауапкершілігін арттыру ұсынылды. Жеке көмекшінің негізгі міндеттерін түсіндіру тапсырылды.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
