Lajme Arkiva 2009
Tërmeti në Itali numëron tashmë 272 viktima. Lëkundje të forta janë ndier sërish në zonat e shkatërruara nga tërmeti i ditës së hënë duke shkaktuar edhe shembjen e atyre pak ndërtesave që kanë mbetur në këmbë.
Në këtë bilanc tragjik, numërohen 16 fëmijë. Të paktën 11 persona të tjerë figurojnë në listën e të humburve. Kryeministri Berluskoni tha se numri i të pastrehëve ka arritur në 28 mijë.
Po ashtu pasditen e sotme policia e Peskarës ka bërë të mundur lokalizimin dhe sekuestrimin e një faqeje në internet e cila lajmëronte lëkundje të fuqishme gjatë pasdites në Akuila.
BE ka lajmëruar se do të japë 500 milionë euro ndihma për të gjithë të personat e goditur. Qeveria italiane ka bërë të ditur se 110 milionë euro do të shkojnë për ndërtimin e shkollave. Pritet që ditën e nesërme në Abruco të mbërrijë edhe presidenti italian, Giorgio Napolitano i cili do të marrë pjesë në funeralet shtetërore.
Por ajo çfarë duket edhe më shumë dëshpëruese është fakti se në ato shtëpi që tashmë kanë mbetur gërmadha ka njerëz të cilët mendojnë se ka ende diçka për të vjedhur. Policia ka arrestuar në ONNA dy italianë, të cilët mbanin me vete një shumë prej 80 mijë eurosh te vjedhura.
E madje më qesharak duket fakti që tregtarët duan të përfitojnë nga këta njerëz të cilët kanë mbetur jo vetëm të pastrehë, por kanë humbur shumë nga njerëzit e tyre në këtë katastrofë, e cila për Italinë është më e rënda në 3 dekadat e fundit. Në komunën e Picolit banorët kanë thirrur policinë pasi një fugon shiste mish me 80 euro kilogramin.
Në një konferencë për mediat kryeministri italian Silvio Berlusconi pasi falënderoi të gjitha vendet që kanë janë ofruar për ndihma ka deklaruar se kërkonte para dhe jo mallra.
Pjesa më e madhe e viktimave të kësaj tragjedie ishin studentë. Forcat e ndihmës së shpejtë do të gërmojnë deri për pashkë, me shpresën për të gjetur ndonjë të mbijetuar. Sot është bërë e mundur nxjerrja e një vajze e cila qëndroi nën rrënoja për 42 orë. Funeralet nisin ditën e premte./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
Ещё видео!