الوقت له تعليمه و فلسفته
قنوع في فلسفته و تعليمه
عرفت ربي بالعقل ما شفته
وآمنت في تقديره و تقسيمه
ايه اتصبّر والصبر ما عفته
لو ما امطرت ؟ يكفيني ان به غيمة
قلبي علی صوت العنا ولّفته
الين قال ان العنا : ترنيمة
لي صاحبٍ فاجأته وصادفته
ولقيت ما يثبت على تجريمه
ما يوم كذّبته ولا حلّفته
على النقا مسيت طنب الخيمة
بالطيب باريته ولكن طفته
حاولت بس ازريت في تقديمه
اللي يدسم شاربك صرّفته
ماقد ضري شاربك في تدسيمه
وإن كان سيفك "بالردى" حففته
ابشر بكسر صابه وتثليمه
لا تسألوني بعد وش سالفته !
الدين له تحليله وتحريمه
يا كم قدام العرب شرّفته ؟
من فاتحة خوّته الى التسليمة
عز الله اني بالفراق انصفته
ماودي ابرر موقفي لجل ماأضيمه
ما ردني عن ضيمته معرفته
ما ردني ياخوك غير الشيمه
احدن يزيد بقيمتك لاشفته
واحدن على فرقاه تدفع قيمه

свернуть