#saliberisha #11shkurt #proteste
Sali Berisha nuk ka humbur kohë pas vendimit të Kryesisë duke i kërkuar deputetëve të grupit parlamentar të zbresin në bazë për të sqaruar qytetarët lidhur me përfshirjen e Kryeministrit në atë që ai e cilëson “afera McGonigal”, për të cilën tha se opozita do të nisë në 11 Shkurt revolucionin paqësor për largimin e Kryeminsitrit Rama.
Sali Berisha: T’u qartësojmë gjithçka. O sot o kurrë duhet të ngrihemi në një revolucion demokratik më të fuqishëm që Shqipëria ka njohur ndonjëherë, revolucion paqësor.
Pjësë të akuzave në çështjen McGonigal nuk bëri vetëm Kreun e Qeverisë, por edhe SPAK-un, që sipas tij ka zgjedhur të heshtë.
Sali Berisha: Drejtësia duhet të fliste me forcën më të madhe, por përkundrazi, drejtësia është pjesë e kësaj dosje pasi McGonigal drekonte e darkonte jo vetë m me politikanë të inkriminuar si Taulant Balla etj, por ai takohej me krerë te drejtësisë, gjykatës e prokurorë e merrej edhe me vetting. Ku të dëshironte Edi Rama.
Ndonëse kjo seancë plenare do ta gjejë jashtë Kuvendit pasi së bashku me 4 deputetë demokratë u përjashtua 10 ditë nga punimet e Parlamentit, Sali Berisha e paralajmëroi kundërshtarin e tij politik se nuk do gjejë paqe, pavarësisht bashkrendimit që tha se Rama bën me Enkelejd Alibeajn.
Sali Berisha: Ne paraqitëm kërkesën për diskutim, për debat. Na bllokuan në mënyrën më antiligjore dhe sot për ta zëvendësuar këtë del interpelanca e Alibashës me padronin e tij se i bashkërendojnë, kjo është e turpshme, ne nuk lëshojmë, ne kërkojmë me urgjencë debat në Parlament për këtë çështje thelbësore. Të përgatitet mirë Rama se lojërat me Alibashën, të turpshme, s’ia zgjidhin dot problemet tij.
Sipas Berishës, akti korruptiv i Kryeministrit Rama përmes ish-zyrtarit të lartë të FBI-së është një thikë e tmerrshme pas shpine ndaj qeverisë së Shteteve të Bashkuara të Amerikës.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
