نازنم بۆ..
ئەم ڕۆژانە زۆر بیری دەكەم !
تاونا تاوێك، مێشكم بەهۆشخۆی دێتەوەو، دڵمی بیردەكەوێتەوە !
دڵیشم هەر زوو دەكەوێتەخۆ و، بەترپەكانی، ئاوازی غەریبی دەهۆنێتەوە !
خەیاڵ یەخەی بیرم دەگرێت و، توندتوند دەیگوشێت !
بێ پرس و ڕا، پەلكێشی لای ئەوم دەكات !
لەگەڵ یەكەم بینینی، وامدەزانی عەیامێكە ئاوێتەی یەكدین و، بەبێ یەكدی دانای بێ دانست، دارستانی بێ دار و، داری بێ سێبەرین !
ئاخر، ئەو كەسێكی ئاسایی نەبوو !!
نا نا، ڕاستتر بڵێم، ئەو كەسێكی ئاسایی بوو، لەخەڵكی ئەم سەردەمەی نەدەكرد !
گرژو-مۆن و، كرچو-كاڵ نەبوو، دایم كە دەتبینی زەردەی لەسەر لێو بوو، خۆ كە دەتیبینی ددانی جوانی بزر نەدەبوو !
ساردو-سڕ و، ڕەق و-وشك، ڕۆبۆت ئاسا نەبوو، ئەو نموونەی گەرموگوڕی و، هەوێنی خۆشەویستی و، ترۆپكی سادەیی بوو… ئەو مرۆڤ بوو مرۆڤ !
وای بۆدەچم هۆكارەكەی رەمەزانبێ (مەبەستم مانگی پیرۆزی ڕەمەزانە)، ئاخر ئەوەنیە ڕەمەزان بنیام ئەكاتەوە بە مرۆ و، مرۆ نەرمونیان و توندتر ئەكا !
ئێ خۆ ئەویش سەنگی مانای دینداری بوو !
هەرگیز ئەو ڕۆژەم بیرناچێ كە باران باری !
هەرچی خانەی لاشەی هەبوون، هەموو تێكڕا بەجارێ هاتنە سەما !
ئاخر ئەو بەجۆرێ گەشایەوە، هەرچی خونچە گوڵ و گوڵە بەیبوون هەبوو ئیرەییان پێدەبرد !
بەڵێ
هەر ئەوكات زانیم، ئەو هەر بەتەنها هاوكاری من نیە !
بەڵكو هاو هەست و بیر و، هاو ڕازیشمە !
ئاخر ئێوە نازانن چەندە من عاشقی بارانم !
ئەو ڕۆژە هەر بە پیادە، بەبێ چەتر و لەتەك جادە، تا لای شوێنی پاسەكانیش چوین، لەوێوەش من بەپاس و، ئەویش لەڕۆشتن خۆنەوەستا !
هەموو ئەمانە چەند ڕۆژێ زیاتر نەبوون، ئێ خۆ ڕۆژیش لەگەڵ ئەو ڕۆژ نەبوون، دەقە و چركە بوون !
زۆر زوو ڕۆشت و ئێستاكە لێم ونە
نەناونیشانێ، نە سۆراغێك و، نە موبایلەكەیشی دەزانم !
بەس نیە ناوەكەی دەزانم !
سەلامەكەی بەم شێوەیە و، خواحافیزیشی هەر نەبوو !
“محمد صابر “
١٦-٥-٢٠٢٠
٢٣/رمضان
#نوسین
#خوێندنەوە
#خەیاڵ
#كتێب


نوسینەكانم لێرە بڵاو دەكەمەوە👇
[ Ссылка ]

свернуть